Sunday, September 28, 2014

Sri Sitharama Swamy Temple, Vishakhapatnam

                 శ్రీ సీతారామాంజనేయ స్వామి ఆలయం, విశాఖపట్నం

నగరంలో పేరొందిన శ్రీ కనక మహాలక్ష్మి ఆలయానికి అత్యంత చేరువలలో ఉన్న పురాతన ఆలయం ఇది. 
విశాఖలో నిర్మించబడిన పురాతన దేవాలయాలలో ఇదొకటి. 
మొట్టమొదటి శ్రీ రామ ఆలయంగా పేర్కొంటారు. 





జమిందారులైన అంకితం  వారు తమ  వంశాభివృద్దిని ఆకాంక్షిస్తూ ఈ ఆలయాన్ని నిర్మించినట్లుగా తెలియవస్తోంది. 
నేటికి ఆ వంశం వారే ధర్మకర్తలు. 






 సువిశాల ప్రాంగణంలో శ్రీ రమా సత్యనారాయణ స్వామి వారి ఉపాలయంతో పాటు రామాలయాలలో అరుదుగా దర్శనమిచ్చే ఆండాళ్ ( గోదా దేవి)కు ఒక ప్రత్యేక సన్నిధి ఇక్కడ ఉండటం ఒక విశేషం.









శ్రీ రామ నవమితొ సహా అన్ని పర్వదినాలలో ప్రత్యేక పూజలు నిర్వహిస్తారు. 
విశాఖపట్నంలో తప్పని సరిగా దర్శించవలసిన ఆలయాలలో చెంగలరావు పేటలో ఉన్న ఈ ఆలయం కూడా ఒకటి. 
జై శ్రీ రామ్ !!!

Sri Puri Jagannatha swamy Temple, Vishakhapatnam

                    శ్రీ పూరి జగన్నాథ స్వామి ఆలయం, విశాఖపట్టణం 

సుమారు మూడు వందల సంవత్సరాలకు పూర్వం కొందరు భక్తులు విశాఖ నుండి ఒడిశా రాష్ట్రం లో పురుషోత్తముడు జగన్నాధునిగా కొలువుతీరిన పూరి క్షేత్రాన్ని సందర్శించుకోన్నారట. 
సప్త ముక్తి క్షేత్రాలలో ఒకటిగా పేరొందిన ఈ దివ్య ధామ సందర్శనం వారిలో అపురూప ఆధ్యాత్మిక భావాలను వారిలో నెలకొల్పినది. 
 తమ ఊరు తిరిగి వచ్చిన తరువాత వారంతా కలిసి జగన్నాధునికి ఒక ఆలయం నిర్మించాలన్న నిర్ణయం తీసుకొన్నారు. 
అలా ఆ భక్తుల సంకల్పంతో నిర్మించబడినదే నగరంలో పూర్ణ మార్కెట్ సమీపంలో ఉన్న శ్రీ జగన్నాథ మందిరం. 


తొలి తరం నిర్మాణాలలో ఒకటిగా పేర్కొనే ఈ ఆలయంలోని శిల్పాలు, కట్టడాలు నేటికీ ఆకర్షణీయంగా ఉంటాయి. 











నిత్య పూజలతో ప్రతి నిత్యం ఎందరో భక్తులతో కళ కళ లాడే ఈ ఆలయంలో జగన్నాథ రధ యాత్ర కూడా ఘనంగా నిర్వహిస్తారు. 

 జై జగన్నాథ !!!

Simhachalam

                                      సింహాచలం - చిత్రాలు 

ప్రసిద్ద నారసింహ క్షేత్రం సింహాచలం. 
గడచినా అయిదు సంవత్సరాలలో జరిగిన అభివృద్ధిలో కొత్త రూపు సంతరించుకొన్న నిర్మాణాల చిత్రాలు.