2, అక్టోబర్ 2018, మంగళవారం

Nataraja Temples, Tamilnadu

                            

                           

                              పంచ నటరాజ ఆలయాలు

                                                                                                         = ఇలపావులూరి వెంకటేశ్వర్లు                         



నటరాజ ఆలయం అనగానే అందరికీ కళ్ళ ముందు లేదా మదిలో మెదిలేది చిదంబర నటరాజ స్వామి ఆలయం ఒక్కటే. లింగ రూపంలో పూజలందుకొని కైలాసనాధుడు మూర్తి రూపంలో     ఆరాధించబడేది ఒక్క చిదంబరంలోనే. అసలు శివాలయాలలో ఉత్సవమూర్తి నటరాజే.  నాట్యానికి మూలపురుషుడైన నటరాజు ఆనందతాండవం సలిపిన అయిదు నాట్య సభలు తమిళనాడులో ఉన్న సంగతి తెలిసినదే. అవే తిరువళంగాడు, చిదంబరం, మధురై, తిరునెల్వేలి మఱియు కుర్తాళం. వివిధ సందర్భాలలో ఈ క్షేత్రాలలో నాట్యం చేసినట్లు ఆయా క్షేత్రాల గాధలు తెలుపుతున్నాయి. వీటిల్లో చిదంబర స్థానం విశేషమైనది. 
రమణీయమైన పుష్ప అలంకరణతో చిత్ సభలో నేత్రపర్వంగా కొలువైన నటరాజ స్వామి సౌందర్యాన్నివర్ణించడం సాధ్యం కాదు. అంతే సౌందర్యం ప్రదర్శించే మరో నాలుగు నటరాజ విగ్రహాలు తమిళనాడులోని తిరునెల్వేలి జిల్లాలో వివిధ ప్రాంతాలలో ఉన్న ఆలయాలలో    నెలకొని ఉన్నాయి. ఈ విగ్రహాలను తయారు చేసిన శిల్పి ఒకరే కావడం విశేషం. 
ఆ విశేష క్షేత్రాలు వరసగా చిదంబరం, రాజ వల్లి పురం (చెప్పరాయి), మేళ కరు వేళన్ కుళం, కరిసులంద మంగళం మఱియు కట్టారి మంగళం. 
ఈ విగ్రహాలలో తేడా ఏమిటంటే చిదంబరంలో ఉన్నది స్వర్ణ మూర్తి  కాగా మిగిలిన నాలుగు కాంస్య మూర్తులు.
స్వర్ణ కాంతులు

నటరాజు 

పరమశివుని అవతారం. నాట్యానికి ప్రతిరూపం. శివాలయాలలో ఉత్సవమూర్తి. నటరాజ మూర్తిలో కనపడే ప్రతి ఒక్కటి ప్రత్యేకమైనవే.  సందేశాన్ని అందించేవే కావడం విశేషం. శిరస్సున గంగ, చంద్రవంక, జటాజూటాలతో నాట్యానికి ప్రత్యక్ష రూపంగా కనపడతారు. కుడి వెనక చేతిలోని ఢమరుకం ఒక్క లయకే కాదు కాలానికి సంకేతం. ముందు కుడి చేయి అభయ హస్తం.ఎడమ వెనక హస్తంలో ఉన్న అగ్ని సృష్టి, లయలకు నిదర్శనము. ముందు ఎడమ చేయి  గజ హస్త ముద్ర  చూపుతుంటుంది.
దేహానికి చుట్టుకొన్న సర్పాలు కోరికలకు నిదర్శనం. త్రినేత్రుని మూడు నేత్రాలు సత్వ, రజ, తమో గుణాలకు ప్రతీక. కుడి పాదం క్రింద ఉన్న మరగుజ్జు అపస్మార పురుషుడు అజ్ఞానానికి నిదర్శనం. ఇవన్నీఎవరైతే  సంపూర్ణ శరణాగతిని కోరుకొంటారో వారికి అది లభ్యమవుతుంది అని తెలిపే సంకేతాలని పెద్దలు అంటారు. నటరాజ ఆరాధన మానవులకు ఇహపర సుఖాలను అనుగ్రహించేదిగా పురాణాలు తెలుపుతున్నాయి. 












చిదంబరం  

పడాల్ పెట్ర స్థలాలలో అగ్రస్థానం చిదంబరానిది. కోవెల అంటే శైవులకు చిదంబరమే గుర్తుకు వస్తుంది. అక్కడితో చిదంబర గొప్పదనం ఆగిపోలేదు. పంచ భూత స్థలాలలో, పంచ నాట్య సభలలో, పంచ పులియూర్ ఆలయాలలో ఇలా ఎన్నో ప్రత్యేకత ఆలయాలలో ఒకటిగా గుర్తించబడినది. పంచ భూత స్థలాలైన చిదంబరం, కాళహస్తి మరియు కాంచీపురం ఆలయాలు ఒకే సరళ రేఖలో ఉండటం నాటి శిల్పుల నైపుణ్యానికి నిదర్శనం గా పేర్కొనాలి. అసలు చిదంబర ఆలయంలోనే అయిదు సభలున్నాయి. శివగామి సమేత నటరాజ స్వామి కొలువైనది చిత్ సభ. ఆలయ పూజలను నిర్వహించే కనకసభ చిత్ సభకు ఎదురుగా ఉంటుంది. ధ్వజస్థంభానికి దక్షిణంగా ఉంటుంది నాట్య సభ. ఇక్కడే స్వామి కాళీదేవితో నాట్యపోటీలో తలపడినది. ప్రాంగణంలో ఉన్న వెయ్యి కాళ్ళ మండపాన్ని రాజసభ అంటారు. కుమారులైన వినాయక, కుమారస్వామి మరియు అమ్మవారితో కలిసి సోమస్కంద స్వామి మరియు చండికేశ్వరుడు కొలువైనది దేవ సభ. ఆలయంలోని అనేక నిర్మాణాలు ఎన్నో విశేషాలకు  ప్రతీకలుగా చూపబడుతున్నాయి. ఇంతటి గొప్పదనం  కలిగిన ఆధ్యాత్మిక సౌరభాలను కలిగి ఉన్న ఆలయం మరొకటి కనపడదు అంటే దానిలో ఏ మాత్రం అతిశయోక్తి లేదు. 
నలభై ఎకరాల ఈ ఆలయ ప్రాంగణంలో మరో అరుదైన విశేషం కనపడుతుంది. శ్రీ నటరాజ  స్వామికి ఎదురుగా శ్రీ గోవింద రాజ స్వామి శయనభంగిమలో కొలువై ఉంటారు. ఆళ్వారులు తమ పాశురాలతో శ్రీ గోవిందరాజ పెరుమాళ్ ని కీర్తించారు.
ఈ నటరాజ మూర్తిని మలచిన శిల్పి నమః శివాయ ముత్తు. వివిధ సందర్భాలలో ఆయన మిగిలిన నాలుగు విగ్రహాలను తయారు చేసాడు.చిదంబరంలో కొలువైన నటరాజ స్వామి మూర్తికి మిగిలిన నాలుగు నటరాజ మూర్తులకు గల సంబంధం గురించి ఒక గాధ స్థానికంగా వినిపిస్తుంది. 
సింగవర్మ అనే పాలకుడు తపస్సు చెయ్యడానికి అరణ్యాలకు వెళ్లగా అక్కడ పంతంజలి మరియు వ్యాఘ్రపాద మునీశ్వరుడు కనపడ్డారు. వారితో కలిసి సింగ వర్మ మహేశ్వరుని ఆనంద తాండవాన్ని వీక్షించే అదృష్టాన్ని పొందాడు. మహర్షుల ఆదేశం మేరకు చిదంబర ఆలయాన్ని నిర్మించారు. ప్రతిష్టించడానికి తగిన సుందర నటరాజ మూర్తిని తయారు చేయమని శిల్పుల నాయకుడైన నమః శివాయ ముత్తును ఆదేశించారు. వారు భక్తిశ్రద్దలతో చక్కని నటరాజ మూర్తిని రాగితో తయారు చేసి రాజుకు చూపారు. ఆ మూర్తిలో ప్రస్ఫుటంగా కనిపిస్తున్న సుందరతను చూసి రాజు రాగితో చేస్తేనే ఇంత అందంగా ఉన్నది అదే బంగారంతో చేస్తే ఇంకెంత సుందరంగా ఉంటుందో అని శిల్పిని స్వర్ణమూర్తిని చేయమని ఆదేశించాడట. అతను అదే శ్రద్ధాభక్తులతో తయారుచేసాడట. సంతృప్తి చెందిన రాజు దానిని ఆలయంలో ఉంచారట. కానీ రాత్రి పూట ఆ విగ్రహం బంగార వెలుగులు చిమ్మకుండా వెలవెల పోతూ రాగి వర్ణం లోనికి మారిపోయేదట. బంగారం మీద ఆశతో శిల్పి ఇలాంటి విగ్రహాన్ని తయారు చేసాడని తలచిన రాజు ముత్తును చెఱసాలలో పెట్టాడట. నిజాయితీపరుడైన ముత్తు పరమేశ్వరుని ప్రార్ధించారట.
ఆ నాటి రాత్రి రాజుకు స్వప్న దర్శనమిచ్చిన నటరాజ స్వామి, శిల్పి పొరబాటు ఏమీ లేదని తాను తామ్రవర్ణంలో ఉండటానికి ఇష్టపడతానని తెలిపారట. జరిగిన పొరబాటుకు రాజు పశ్చాత్తాపం చెంది నమః శివాయ ముత్తును విడుదల చేసి రాగి విగ్రహాన్ని బహూకరించి సన్మానించారట. అలా చిదంబర ఆలయంలో స్వర్ణ నటరాజ మూర్తి కొలువైనారని తెలుస్తోంది.

చెప్పరాయి శ్రీ నటరాజ స్వామి ఆలయం, రాజవల్లి పురం 

నమః శివాయ ముత్తు,  రాగి నటరాజమూర్తితో తమిరబారాణి నదీతీరంలోని రాజవల్లిపురం వద్దకు వచ్చేసరికి విగ్రహం యొక్క బరువు మోయలేనంతగా పెరిగి పోయిందిట. చేసేది లేక క్రింద ఉంచేశారట. అలా చిదంబర ఆలయం కొఱకు తయారు చేసిన రాగి విగ్రహం రాజవల్లి పురం చేరుకొన్నది. ఈ కారణంగా దీనిని దక్షిణ తిలై (చిదంబరం) అని అంటారు. తమిళంలో రాగిని చెప్పు అంటారు. రాగితో తయారు చేసిన విగ్రహం కొలువైనందున చెప్పరాయి శ్రీ నటరాజ స్వామి ఆలయం అని పిలుస్తారు. 
సుందర నటరాజ స్వామి కొలువైనందున అళగియ కూతనార్ కోవెల అని కూడా పిలుస్తారు. పాండ్యరాజుల సేనాధిపతి అయిన వీర పాండ్యన్  నటరాజ స్వామి విగ్రహ సౌందర్యానికి ముగ్ధుడై శ్రీ కాంతిమతి సమేత శ్రీ నెల్లిఅప్పార్ (పరమశివుడు)లను మూలవిరాట్టులుగా ప్రతిష్టించి చిదంబర ఆలయాన్ని పోలిన ఆలయాన్ని నిర్మించాడని గ్రంధాల ఆధారంగా తెలుస్తోంది. చిదంబరానికి వెళ్లలేని భక్తులు ఇక్కడికి వస్తుంటారు. విద్యాప్రసాదునిగా శ్రీ నెల్లిఅప్పార్ స్వామికి పేరు. పెద్ద సంఖ్యలో విద్యార్థులు దర్శించుకొంటుంటారు. వివాహం మరియు సంతానం కొఱకు వచ్చే భక్తుల అభీష్టము మేరకు ప్రత్యేక పూజలు నిర్వహిస్తారు. 
తిరునల్వేలి పన్నెండు కిలోమీటర్ల దూరంలో ఉన్నరాజవల్లిపురం సులభంగా చేరుకోవచ్చును. 
ఉదయం ఆరు నుండి పదకొండు తిరిగి సాయంత్రం నాలుగు నుండి రాత్రి ఎనిమిది వరకు ఆలయం భక్తుల కొఱకు తెరిచి ఉంటుంది. 
డిసెంబర్ నెలలో వచ్చే  ఆరుద్ర దర్శనం సందర్బంగా గొప్ప ఉత్సవం నిర్వహిస్తారు. త్రయోదశి పూజలు, నవరాత్రులు, శివరాత్రి, చవితి మరియు షష్టి పూజలు ఘనంగా చేస్తారు. 
నమఃశివాయ ముత్తు ఇక్కడే స్థిరపడి రాగితో మరో రెండు నటరాజ విగ్రహాలను తయారు చేసాడట. 

శ్రీ కనక సభాధిపతి ఆలయం, కరిసులంద మంగళం 

వీరపాండ్యన్, రాజవల్లిపురం ఆలయం నిర్మించిన తరువాత మరి కొన్నినటరాజ విగ్రహాలను తయారు చేయించాలన్న తలంపు కలిగింది. నేరుగా రాజు ముళుతం కంద రామ పాండ్యన్ వద్దకు వెళ్లి విషయం చెప్పి తగిన శిల్పి కావాలన్నారట. సంతసించిన రామ పాండ్యన్ శిల్పి నమః శివాయ ముత్తు గురించి తెలిపారట. 
పిలిపించి కావలసిన ముడి లోహాన్ని ఇచ్చి విగ్రహాలను చేయమని ఆదేశించారట. మరో మారు తనకు లభించిన అవకాశానికి ఆనందించిన ముత్తు తన విద్యను పూర్తి స్థాయిలో ప్రదర్శించే విధంగా రెండు అద్భుత రూపాలను తయారు చేసి వీర పాండ్యన్ కి చూపించారట. శిల్పి నైపుణ్యానికి ఆశ్చర్యపోయిన వీర పాండ్యన్ లో స్వార్ధం తలెత్తినదట.ఇంతటి అపురూప నటరాజ  రూపాలను చేయించిన కీర్తి శాశ్వితంగా తనకే దక్కాలని ఇంకొకరికి చెందరాదన్న తలంపుతో ముత్తు మరెవ్వరికీ అలాంటి రూపాలను తయారు చేయకుండా అతని కుడి చేతిని నరికించేశాడట.  
మరోసారి తనకు జరిగిన అన్యాయానికి వగచిన ముత్తు అక్కడ నుండి దూరంగా వెళ్ళిపోయాడట.  తాను చేయించిన రెండు విగ్రహాలలో ఒకదానిని నేటి తూత్తుకుడి జిల్లా లోని కత్తరి మంగళం గ్రామంలోని శ్రీ అళగియ కూత్తర్ స్వామి ఆలయంలో ఉంచాడు. రెండో దానిని తిరునెల్వేలి నగరంలోని శ్రీ నెల్లిఅప్పార్ ఆలయంలో ఉంచమని పంపించాడట. కానీ తమిరబారాణి నదికి సంభవించిన వరదల కారణంగా మూర్తిని తీసుకొని వెళుతున్న బృందం మొత్తం కొట్టుకొని పోయిందట. ప్రవాహంలో కొట్టుకొని పోయిన విగ్రహం కరి సులంద మంగళం గ్రామస్థులకు లభించడంతో వారు రాజు వద్దకు వెళ్లి విషయం తెలిపారట. వీరపాండ్యన్ చేసిన ఆకృత్యం తెలుసుకొన్న రామ పాండ్యన్, అతనికి మరణశిక్ష విధించి, గ్రామస్థుల కోరిక మేరకు  స్వామివారికి ఇక్కడే ఆలయాన్ని నిర్మించారట. చిదంబరం లోని కనకసభలో కొలువైన నటరాజ   ప్రతిరూపం కనుక భక్తులు ప్రేమగా శ్రీ కనకసభాధిపతి అని పిలుచుకొంటారు. గర్భాలయంలో మాత్రం శ్రీ సుందరాంబికా సమేత శ్రీ సుందరేశ్వర స్వామి కొలువు తీరి ఉంటారు. ప్రస్తుత ఆలయాన్ని మారవర్మన్ సుందర పాండ్యుడు పదమూడవ శతాబ్దంలో నిర్మించినట్లుగా శాసనాలు తెలుపుతున్నాయి. నెలకొక ఉత్సవం నిర్వహించే ఆలయంగా ఈ ప్రాంతాలలో ప్రసిద్ధి. భక్తులు గ్రహసంబంధిత దోష పరిహారార్ధం పూజలు జరిపించుకొంటుంటారు. 
తిరునెల్వేలి కి ముప్పై కిలోమీటర్ల దూరంలో ఉన్న కరి సులంద మంగళం గ్రామం చేరుకోడానికి ప్రతి పదిహేను నిమిషాలకి బస్సు లభిస్తుంది. ఆలయం ఉదయం ఏడు నుండి పదకొండు వరకు తిరిగి సాయంత్రం అయిదు నుండి రాత్రి ఏడు వరకు తెరిచి ఉంటుంది.  గ్రామంలోని శ్రీ వెంకటా చలపతి ఆలయం తప్పక సందర్శించ వలసినది.















శ్రీ వీర పాండేశ్వర స్వామి ఆలయం, కత్తరి మంగళం 

శిల్పి ముత్తు తయారు చేసిన రెండు నటరాజ విగ్రహాలలో ఒకటి ఇక్కడ ఉంచబడినది. వీర పాండ్యన్ నిర్మించిన ఆలయం మరియు ప్రతిష్టించిన నటరాజ విగ్రహం కావడాన అతని పేరు మీదే పిలుస్తారు. తమిరబారాణి నదీతీరంలో తూత్తుకుడి జిల్లాలో ఉన్న ఈ క్షేత్రం తిరునెల్వేలి ముప్పై కిలోమీటర్ల దూరంలో ఉంటుంది. మూలవిరాట్టు లింగ రూపంలో దర్శనమిస్తారు.  అమ్మవారు నల్ల తావం నాంచారి. ఉపాలయాలలో శ్రీ కన్నిమూల గణపతి, వల్లీదేవసేన సమేత శ్రీ కుమారస్వామి, శ్రీ దక్షిణామూర్తి,  కాలభైరవ, చండికేశ్వర స్వామి, దుర్గ మరియు శనీశ్వరుడు కొలువై ఉంటారు. 
ఈ ఆలయంలో కనిపించే విశేషం ఏమిటంటే నవ గ్రహాలు పత్నులతో కొలువై ఉంటారు. భక్తులు ఎక్కువగా నవగ్రహ, పితృ దోష పూజల నిమిత్తం అధిక సంఖ్యలో వస్తుంటారు. స్వామి మానసిక అశాంతిని, అనారోగ్యాలను తొలగించేవానిగా ప్రసిద్ధి. 

శ్రీ సుందర పాండీశ్వర స్వామి ఆలయం, మేళ కరువేళన్ కుళం 

చేతిని పోగొట్టుకొన్న శిల్పి నమః శివాయ ముత్తు తిరిగి తిరిగి కాలక్కాడను పాలించే  రాజా వీర మార్తాండ సుందర పాండేశ్వర సంస్థానం చేరుకొన్నాడు. ఆ సమయంలో ఒక విధంగా రాజు అతని కొఱకు  చూస్తున్నాడు. రాజకుమారి మానసిక స్వస్థత కోల్పోయి, ఎన్ని రకాల వైద్యం చేసినా గుణం కనపడలేదు. అప్పుడు కేరళకు చెందిన వైద్యులు ఒకరు వచ్చారట. ఆయన వైద్యములోనే  కాకుండా జోతిషంలో కూడా అపార ప్రావీణ్యం కలిగిన వాడట. అరణ్యం మధ్యలో ఉన్నస్వయంభూ లింగానికి ఒక ఆలయం, అక్కడ ఏనుగులు నీరు త్రాగడానికి అవసరమైన పుష్కరణి నిర్మించమని, నియమంగా మండల కాలం స్వామికి పుష్కరణి నీటితో అభిషేకం జరిపిస్తే రాజకుమారి కోలుకొంటుంది అని తెలిపారట.అంతే కాకుండా ఒక శిల్పి త్వరలో రాజు వద్దకు వస్తాడని అతని చేత నటరాజ విగ్రహం లోహంతో చేయించి ఆలయంలో ఉంచమని  చెప్పారట. ఆలయము, పుష్కరణి నిర్మించిన పాండ్యుడు శిల్పి కోసం ఎదురు చూడసాగారు.
విషయం తెలుసుకొన్న ముత్తు విగ్రహ నిర్మాణానికి సమ్మతించాడట.కానీ రాజు మనసులో సందేహం తలెత్తినది ఒక్క చేతితో ఎలా చేస్తాడు అని. వెదురుతో కృత్రిమ హస్తాన్ని ఏర్పాటు చేసుకొని చిదంబర నటరాజ విగ్రహాన్ని పోలిన నటరాజ విగ్రహాన్ని తయారు చేసాడు ముత్తు. అబ్బురపడిన పాండ్యుడు అతనిని ఘనంగా సన్మానించి,విగ్రహాన్ని ఆలయంలో ఉంచారట. త్వరలో రాజకుమార్తెకు స్వస్థత చేకూరిందిట.
ఈ సంఘటనకు నిదర్శనంగా పుష్కరణి మధ్యలో ఒక స్తంభాన్ని స్థాపించాడు పాండ్యుడు. నేటికీ దానిని చూడవచ్చును. క్షేత్ర నామం కూడా ఈ వృత్తాంతాన్ని తెలిపేదే కావడం విశేషం. కరి - ఏనుగు, వేళన్ -ప్రదక్షణ, కుళం - కోనేరు అని అర్ధం.
ప్రస్తుత ఆలయాన్ని ఒకటవ రాజేంద్ర చోళుని కుమారుడైన జటవర్మ సుందర చోళుడు మధురై మీద సాధించిన విజయానికి గుర్తుగా పునః నిర్మించినట్లుగా శాసనాలుతెలుపుతున్నాయి. భక్తులు  మానసిక ఆరోగ్యం కొఱకు ప్రత్యేక పూజలు చేయించుకొంటారు.మండప స్థంభం పైన శ్రీ పరమ కల్యాణీ అమ్మన్ కొలువై ఉంటారు. సంతాన ప్రదాతగా అమ్మవారు ప్రసిద్ధి. విశేష పూజలు  సంతానం లేని దంపతులుజరిపించుకొంటుంటారు.
తిరునెల్వేలి కి నలభై అయిదు కిలోమీటర్ల దూరంలో పాపనాశం వెళ్లే దారిలో పొదిగై  పర్వత పాదాల వద్ద ఉంటుంది ఈ క్షేత్రం. తమిర బారాణి నది జన్మ స్థానం ఈ పర్వతాలే.
కార్తీక మాసంలో భక్తులు మూడు రోజులలో దీక్షగా ఈ అయిదు ఆలయాలను సందర్శిస్తుంటారు. దీని వలన ఆర్ధిక, ఆరోగ్య, కుటుంబ సంబంధిత సమస్యలు తొలగిపోతాయని విశ్వసిస్తారు.
తొలి నటరాజ ఆలయం, పావన క్షేత్రం, పెరియ కోవెల అయిన చిదంబరంలో ఉండగా శివానుగ్రహం పొందిన శిల్పి నమః శివాయ ముత్తు మలచిన మిగిలిన నాలుగు విగ్రహాలు కూడా చిదంబర నటరాజ స్వామి పోలి ఉండటం చూడవలసినదే !




నమః శివాయ !!!!



     

   




Guhai Namah Shivaaya

                                    గుహాయ్ నమః శివాయ 






తలచినంతనే ముక్తిని ప్రసాదించే మహిమాన్విత క్షేత్రం తిరువణ్ణామలై. మరి అక్కడే ఉంటూ ప్రతి నిత్యం అరుణాచలేశ్వరుని ఆరాధిస్తూ, ఆయన సేవలో పరవశిస్తూ అనుగ్రహానికి పాత్రులైన ముముక్షువులు ఎందరో !
అలాంటి వారిలో తొలి తరం వారు శ్రీ గుహాయ్ నమః శివాయ.  ఈయన కర్ణాటక రాష్ట్రంలో 1548 సంవత్సరంలో జన్మించారుతల్లితండ్రులు ఆచారవంతులు శివ 
భక్తులుచిన్నప్పటి నుంచి ఈయన ఆధ్యాత్మిక ఆలోచనలతో,మౌన ధ్యానాలతో గడిపేవారట.కన్నవారి అనుమతితో శ్రీశైలం చేరి వీరశైవుడైన శ్రీ శివానంద దేశికర్ను ఆశ్రయించారు.గురువు దగ్గర దీక్ష తీసుకొని,భక్తి శ్రద్దలతో సేవించేవారు.శివానంద దేశికర్ యోగ విద్యలో నిష్ణాతులు.శిష్యుని దీక్షా దక్షతలకు ఆనందించిన శివానంద దేశికర్ శివ యోగము భోదించారుదీనిలో గురువు ప్రసాదించిన ఇష్టలింగాన్నిఎడమ అరచేతిలోఉంచుకొని తదేక దృష్టితో చూస్తూ
ప్రాణాయామం చేయాలి.  ప్రతి ఒక్కటీ శివరూపం గానే భావించాలిహృదయం లో అదే భావన కలిగి ఉండాలిఅదే 
దృష్టితో  చూడాలిఇలా చేయడం వలన శరీరంలోని ఆరు చక్రాలు ఉత్తేజితమై కుండలినీ శక్తిని జాగృత పరుస్తాయి
గురువు నుండి పొందిన శివ యోగను ఎన్నో సంవత్సరాలు సాధన చేసి ప్రావీణ్యాన్ని పొందారు గుహాయ్ నమః శివాయ















ఒకనాటి రాత్రి శ్రీ శైల మల్లిఖార్జున స్వామి స్వప్న దర్శనమిచ్చి తిరువణ్ణామలై వెళ్ళమని ఆదేశించారటగురువు అనుమతి తీసుకొని బయలుదేరారుఈయనతోపాటు దేశికర్ మరో శిష్యుడైన విరుపాక్షదేవ కూడా ప్రయాణించారుభగవాన్ రమణ మహర్షి పదహారు సంవత్సరాలు తపస్సు చేసిన విరూపాక్ష గుహ పేరు ఈయన పేరు మీదగాని వచ్చినది అంటారు
గుహాయ్ నమఃశివాయ అంత ప్రసిద్ధులు కారు విరూపాక్ష దేవనిరంతరం ధ్యానంలో ఉండేవారటచివరకి దేహత్యాగం చేసినప్పుడుఆయన దేహం ఒక విభూతి కుప్పలాగా మారిపోయిందిఒక పీఠికలో ఉంచిన  విభూధిని విరూపాక్ష గుహలో నేటికీ పూజిస్తారు















అరుణాచలం చేరుకొన్న గుహాయ్ నమఃశివాయ అక్కడక్కడా తిరుగుతూబిచ్చమెత్తుకుంటూ 
కాలం గడిపేవారు
ఆయన  గొప్ప యోగి అని స్థానికులు గ్రహించారుఆయన శక్తి రెండు సంఘటనల ద్వారా లోకానికి తెలిసింది.  ఒక గృహస్థు తన కుమార్తె వివాహానికి ఆహ్వానించారుసాదరంగా ఆహ్వానించి పాద పూజ చేశాడా గృహస్థు.అక్కడున్నఅందరికీ విభూధిని ప్రసాదంగా అందించారు గుహాయ్నమః శివాయతరువాత కొద్దిసేపటికి ఏమి జరిగిందో ఎలా జరిగిందో తెలీదు అగ్ని ప్రమాదంలో ఇల్లు మొత్తం 
దగ్ధమై పోయిందిశుభకార్యక్రమ వేళ సన్యాసి ఇచ్చిన బూడిద మూలంగానే  విపత్తు సంభవించినది అని అందరూ విమర్శించసాగారు.   తనను ఎన్ని అన్నా పట్టించుకోని గుహాయ్ నమః శివాయపరమ పవిత్రమైన విభూధిని చులకన చేయడం సహించలేక పోయారుతదేక ధ్యానం చేశారుఅందరూ చూస్తుండగానే కాలి  బూడిద అయిన ఇల్లు యధాతధంగా 
సాక్షాత్కరించిందిఅప్పటిదాకా ఎన్నో మాటలన్న వారు ఆయన సిద్ధపురుషుడనిస్వయం పరమేశ్వరుడని కీర్తించసాగారుదూషణ భూషణాలకు చలించని  సర్వసంగపరిత్యాగి భవిష్యత్తులో ఎవరింటికి వెళ్లకూడదని నిర్ణయించుకొన్నారుఅప్పటి నుండి ఆయన మండపాలలో  తోటలలో ఉండేవారు















రెండో ఘటన ఆయన ఆలయ ప్రవేశంవీరశైవులకు ఆలయ ప్రవేశం నిషిద్ధంఅందుకని ప్రతి నిత్యం తూర్పు వాకిట నిలిచి అక్కడ నుండే అరుణాచలేశ్వరునికి నమస్కారాలు సమర్పించుకొని వెళ్లేవారుఆయనను చూస్తున్న ఒక 
సాధువుఆలయం లోనికి వెళ్లకుండా వెలుపల నుండే వందనం చేస్తున్న గుహా నమః శివాయను అర్ధం చేసుకోలేకఅది ఆయన అహంకారానికి నిదర్శనమని అనుకొని తగిన విధంగా బుద్ది చెప్పాలనుకున్నాడుమరుసటి రోజు 
నమస్కరిస్తున్న గుహాయ్ నమః శివాయ వీపు మీద కర్రతో కొట్టాడుఆయన దెబ్బను పట్టించుకోకుండా దెబ్బతో  అరుణాచలేశ్వరుడు  తనలోని చెడ్డ గుణాలను తొలగించినందుకు కృతజ్ఞతలు తెలుపుకుంటూ తమిళంలో ఒక శ్లోకం చెప్పారట ఆశువుగా !
ఆయన  గొప్ప సత్పురుషుడని  సాధువుకు అర్ధమయ్యి క్షమాపణలు చెప్పి శిష్యుడయ్యాడుఅదే రోజు రాత్రి 
గుహాయ్ నమః శివాయకు ఒక స్వప్నం వచ్చినదిగురువైన శివానంద దేశికర్ శిష్యసమేతంగాఅరుణాచలేశ్వరుడిని సేవించుకొన్నట్లుగా గోచరమైనదిమేలుకొన్న గుహాయ్ నమః శివాయకు అది తన మనస్సులో మెదులుతున్న ఆలోచనకి గురువు ఇచ్చిన అనుమతిగా భావించి నాటి నుండి ఆలయం లోనికి వెళ్లి స్వామివారికి పూలదండతో 
పాటు ఒక కీర్తన సమర్పించుకొనేవారు.












 సమయంలో ఆయన ఆలయ పెరియ గోపురం దగ్గరే ఉండేవారుఒకరోజు స్వప్నంలో అరుణాచలేశ్వరుడు కనిపించి "నువ్వు అరుణాచల పాదాల వద్ద ఉన్న గుహలో నివసిస్తూ శివ యోగ సాధన చెయ్యిఅని ఆదేశించారు
మహాదేవుని ఆజ్ఞ  శిరసావహించి గుహకు వెళ్లిన ఆయన జీవితాంతం అక్కడే ఉండి పోయారుఅలా గుహలో నివసించినందున ఆయన పేరు ముందు గుహాయ్ చేరిందిఅక్కడ ఉంటూనే ఎన్నో మహిమలను ప్రదర్శించారుఅకాల మరణం చెందిన వారిని బ్రతికించారుభగవంతునితో పరిహాసాలు ఆడిన వారికి తగు విధంగా బుద్ది చెప్పారు
గుహాయ్ నమః శివాయ అరుణాచలాన్నిఅరుణాచలేశ్వరుని ప్రస్తుతిస్తూ ఎన్నో కీర్తనలను రచించారుదురదృష్టవశాత్తు వాటిల్లో  కొన్నే సంరక్షించబడినాయిఅవే "అరుణగిరి అంతాదిమరియు "తిరువరునై తనివెంబ". రెండూ కలిపి నూట ముప్పై ఆరు కీర్తనలు.
భగవాన్ శ్రీ రమణ మహర్షి విరూపాక్ష గుహలో నివసించడానికి ముందు కొంతకాలం  గుహలోనే ఉన్నారుఇక్కడే ఆయన శ్రీ శివప్రకాశం పిళ్ళై కి కాగితం మీద జవాబులు రాసి ఇచ్చినది ప్రశ్న జావాబులే తరువాత ముద్రించబడిన "నేను ఎవరు?"(who am I ?)   భగవానులు గుహలో తాళపత్రాల పైన గుహాయ్ నమః శివాయ రచించిన కీర్తనలను చూసివాటిని కాగితాల మీద రాశారుతరువాత వాటిని ముద్రించడం జరిగింది














అరుణాచల పాదాల వద్ద పై గోపురానికి ఎదురుగా కొంత ఎత్తైన ప్రదేశంలో ఉంటుంది అప్పటి గుహ. ప్రస్తుతం ఆలయంగా రూపుదిద్దికొన్న దీనిలో శ్రీ గుహాయ్ నమః శివాయ జీవ సమాధి ఉంటుంది. ప్రతి నిత్యం త్రికాలాలలో పూజలు నిర్వహిస్తారు.












సుమారు నూట యాభై సంవత్సరాలు ఆయన నివసించి జీవసమాధి చెందిన గుహఆలయ 
వాయువ్య దిశ నుండి విరూపాక్ష గుహకు వెళ్లే దారిలో ఉంటుంది.ఎవరిని అడిగినా చెబుతారు
తిరువణ్ణామలై లో నివసించి అణ్ణామలయ్య కృపాకటాక్షాలతో ముక్తి పొందిన గొప్ప సిద్ధులు శ్రీ 
గుహాయ్ నమః శివాయ.

Sri Trimoorthi & Trishakthi Temple, Nandyal

                                         అరుదైన ఆలయం   శ్రీ గురుభ్యోనమః  శ్రీ అరుణాచలేశ్వరాయ నమః  అందరికి నమస్కారం  గొప్ప చెప్పుకోవడం కాదు క...