Sri Korameesaala Narasimha Kshetram, Anajigudem

-

                         శ్రీ కోర మీసాల నరసింహ స్వామి. అనాజి గూడెం 

తెలంగాణలో ఎన్నో ప్రసిద్ద నరసింహ క్షేత్రాలున్నాయి. 
యాదగిరిగుట్ట, మట్టపల్లి, వాడపల్లి అందరికి తెలిసినవి. 
హైదరాబాద్, మహబూబ్ నగర్ , వరంగల్ జిల్లాలలోను పురాతన నారసింహ ఆలయాలు ఉన్నాయి. 
సహజంగా నారసింహ ఆలయాలు కొండల మీద ఉన్న గుహలలో అదీ ఎక్కువగా దక్షిణ ముఖంగా ఉండటం ప్రత్యేకంగా చెప్పుకోవాలి. 
మృగ రాజైన సింహం ఉండేది గుహలోనే కదా !
భక్తుడైన ప్రహ్లాదునికి తండ్రి మూలంగా ఎదుర్కొన్న అప మృత్యు ప్రమాదాన్ని ఆపిన వాడు నారసింహుడే కదా!
దక్షిణం యమ స్థానం !
ఆ దిశగా కొలువుతీరిన స్వామి తన భక్తుల మృత్యు భయాన్ని తొలగిస్తాడు అన్నది పెద్దల మాట. 
అలా ఒక చిన్న గుట్ట మీద గుహలో కొలువుతీరిన స్వామిని స్థానిక భక్తులు శ్రీ కోర మీసాల నరసింహునుగా పిలుచుకొంటూ ఎన్నో శతాబ్దాలుగా కొలుచుకొంటున్నారు. 
భువన గిరి నుండి వలిగొండ వెళ్ళే రహదారిలో వచ్చే అనాజి గూడెంలో రైల్వే ట్రాక్ పక్కన ఉన్న చిన్న గుట్ట మీద గుహలో కొలువుతీరిఉంటారు శ్రీ కోర మీసాల నారసింహ స్వామి. 
పూర్తిగా పెద్ద పెద్ద కొండ రాళ్ళతో సహజ సిద్దంగా ఏర్పడిన గుహ ఇది.  
గుహ ముఖ ద్వారం వద్ద శాఖోపశాఖలుగా పెరిగిన పెద్ద వట వృక్షం గుట్టనంత కప్పి చల్లని నీడను ప్రసాదిస్తుంది. 







గుహ లోపల శ్రీ లక్ష్మీ నారసింహ స్వామి ఎడమ తొడ మీద అమ్మ వారిని కూర్చోబెట్టుకొని ప్రసన్న వదనంతో భక్త రక్షకునిగా తూర్పు ముఖంగా కొలువుతీరి దర్శనమిస్తారు.
గుహ ముఖ ద్వారం మాత్రం దక్షిణ దిశ గానే ఉంటుంది.
ఈ స్వామికి మిగిలిన నారసింహ రూపాల మాదిరిగా కాకుండా కోర మీసాలు ఉండటం విశేషం. అందుకే శ్రీ కోరమీసాల నరసింహునిగా భక్తులు పిలుస్తారు.
సమీపంలోని యాదగిరి కన్నా ముందే ఇక్కడ స్వామి కొలువు తీరారన్నది స్థానిక నమ్మకం.
క్షేత్రము గురించిన పురాణ గాధ ఏది అందుబాటులో లేదు.

గుహకు వెలుపల అంజనా సుతుని సన్నిధి ఉంటుంది.
హనుమంతుడు స్వయంభూ గా వెలిసారని అంటారు.
చెట్ల కొమ్మల మధ్య నుండి పరిశీలనగా చూస్తే నాగ పడగ ఆకారంలో సహజ సిద్దం గా రూపొందిన శిల ఒకటి కాన పడుతుంది.


ఇక్కడ వెలసిన శ్రీ నారసింహ స్వామి నాగ దోషాలను తొలగించే వానిగా ప్రసిద్ది. 
మొక్కిన మొక్కులుగా గంటలను స్వామి కి సమర్పించుకోవడం మరో ప్రత్యేకత. 
ప్రతి నిత్యం పూజాదికాలు జరిగే ఈ గుహాలయంలో నారసింహ జయంతిని, హనుమత్ జయంతిని ఘనంగా జరుపుతారు. 
అన్ని పర్వదినాలలో స్థానిక భక్తులు తరలి వచ్చి శ్రీ లక్ష్మీ నారసింహుని, శ్రీ ఆంజనేయుని దర్శించుకొంటారు. 
శ్రీ నరసింహ !! జయ నారసింహ !!!






కామెంట్‌లు

కామెంట్‌ను పోస్ట్ చేయండి

ఈ బ్లాగ్ నుండి ప్రసిద్ధ పోస్ట్‌లు

Sri Kasinayana Temple, Jyothi, AP

-
చిత్రం
                              శ్రీ కాశీ నాయన ఆలయం, జ్యోతి   జ్యోతి, గిద్దలూరు కి సుమారు ౫౦ కిలోమీటర్ల దూరం  లో ఉన్నది. వయా ఓబులాపురం మీదగా బస్సులు గిద్దలూరు నుండి ఉన్నాయి. ఇక్కడే ఆలయాలలో  ఉచితన్నదాన కార్యక్రమ  ప్రారంభ స్ఫూర్తి  ప్రదాత అవధూత శ్రీ కాశి నాయన సమాధి చెందారు. కామధేను గోవు సమాధి, శివ, శ్రీ లక్ష్మి నరసింహ స్వామి ఇతర ఆలయాలు ఇక్కడ నిర్మించారు. ప్రస్తుతం కాశి నాయన సమాధి మీద ఎందరో అవధుతలు, మహా పురుషుల, యోగుల, మహారుషుల ,దేవతల శిల్పాల తో కూడిన ఒక మహా ఆలయాన్ని నిర్మిస్తున్నారు. చుట్టూ కొండలు, నల్లమల అడవులతో నిండిన చక్కని ప్రకృతి లో మసుకు ప్రశాంతి ని ప్రసాదించే పరిసరాల తో  ఆహ్లాదకరంగా ఉండే జ్యోతి లో ప్రతి నిత్యం అన్నదానం జరుగుతుంది. అన్ని జీవులకు అన్నదానం  కాశి నాయన సమాధి మందిరం  శ్రీ కాశి నాయన  శ్రీ కాశి నాయన పంచ లోహ మూర్తి  నాయన పాదుకలు  నిర్మాణం లో ఉన్న ఆలయం / శిల్పాలు  నవగ్రహ మండపం  ...
మరింత చదవండి

Sri Irukalala Parameswari Temple, Nellore

-
చిత్రం
    శ్రీ ఇరుకళల పరమేశ్వరి అమ్మవారి ఆలయం, నెల్లూరు  శతాబ్దాల ఘన చరిత్ర కలిగిన నగరం నెల్లూరు.  క్రీస్తు పూర్వం మూడో శతాబ్ద కాలానికే నెల్లూరు అప్పట్లో "విక్రమ సింహపురి" దక్షిణాది లోని ముఖ్య నగరాలకు కూడలిగా ప్రాధాన్యత కలిగిన ప్రాంతంగా ప్రసిద్ది చెందినట్లుగా లభించిన శిలా శాసనాలు తెలియచేస్తున్నాయి.  మౌర్య చక్రవర్తి అశోకుని నుండి పల్లవ, చోళ, కాకతీయ, శాతవాహన,పాండ్య, తెలుగు చోడ, విజయనగర ఇలా ఎన్నోరాజ వంశాలు ఈ పట్టణ సర్వతోముఖాభివృద్ది కి కృషిచేసినట్లుగా వివిధ చారిత్రిక పరిశోధనా గ్రందాల ఆధారంగా అవగతమవుతోంది.  ఇలా ఎందరో రాజుల పాలనలో ఉన్న ఈ ప్రాంతంలో పురాణ ప్రసిద్దిచెందిన పురాతన ఆలయాలకు కొదవ లేదు. నగరంలో, చుట్టుపక్కల ప్రాంతాలలో ఎన్నో విశేష ఆలయాలు నెలకొని ఉన్నాయి. వీటిల్లో చాలా మటుకు అరుదైనవి కూడా!  విక్రమ సింహపురి గ్రామ దేవత శ్రీ ఇరుకళల పరమేశ్వరి అమ్మవారి ఆలయం వాటిల్లో ఒకటి. స్థానికంగానే కాకుండా చుట్టుపక్కల జిల్లాల నుండి కూడా ప్రతినిత్యం ఎందరో భక్తులు దర్శించుకొనే ఈ అమ్మవారు సుమారు ఎనిమిదో శతాబ్దానికి పూర్వమే కొలువుతీరినట్లుగా క్షేత్ర గాధ తెలుపుత...
మరింత చదవండి

Sri Omkara Siddeshwara Swamy Temple, Omkaram

-
చిత్రం
శ్రీ గంగా ఉమా సమేత శ్రీ ఓంకార సిద్దేశ్వర స్వామి దేవాలయము, ఓంకారం  ఓంకార స్వరూపుడైన కైలాసనాధుడు కొలువు తీరిన అనేకానేక క్షేత్రాలలో ఓంకారం ఒకటి.యుగాల నాటి పౌరాణిక విశేషాలు , శతాబ్దాల చరిత్రకు, తరతరాల భక్తుల విశ్వాసాలకు చిరునామా ఓంకారం. శ్రీ గంగా ఉమా సమేతముగా శ్రీ ఓంకార సిద్దేశ్వర స్వామి కొలువు తీరిన ఈ క్షేత్రం ఒక ప్రశాంత సుందర అరణ్య ప్రాంతం. ప్రశాంతతకు మారు పేరు. మైమరపించే ప్రకృతి సౌందర్యం ఓంకారం సొంతం.  స్వచ్చమైన గాలి, పచ్చని పరిసరాలు, మొక్కిన వారిని దరి చేర్చుకొనే పరమేశ్వరుని సన్నిధితో సందర్శకులను ఆధ్యాత్మిక ఆనందంలో ముంచివేస్తుంది ఓంకారం,  "ఆర్తులు అందరికి అన్నం" అన్న అవధూత శ్రీ కాశి నాయన మాటను నిజం చేస్తున్న ఆయన భక్త బృందం ఏర్పాటు చేసిన ఆశ్రమం మరియు అన్న వితరణ కేంద్రం , ఇలా ఎన్నో ప్రత్యేకతల సమాహారం ఓంకారం. పురాణ గాధ : క్షేత్రానికి సంబంధించిన పురాణ గాధ ద్వాదశ జ్యోతిర్లింగాల ఆవిర్భాలతో ముడిపడి ఉన్నది. అందరికీ  తెలిసినదే! సృష్టి ఆరంభంలో సృష్టికర్త బ్రహ్మ దేవుడు, స్థితకారుడు శ్రీ మన్నారాయణుడు నేను గొప్పంటే నేను గ...
మరింత చదవండి