Kozhikode Beach

-

                     ఒక అందమైన సాయంత్రం కోలికోడ్ సముద్ర తీరాన 

హిందూ మహా సముద్రం లేదా బంగాళా ఖాతం సముద్ర తీరాల కన్నా అరేబియా సముద్ర తీరాలు బాగుంటాయన్నది గోవా, గుజరాత్, కర్నాటక (ఉత్తర ప్రాంతం ), కేరళలోని తిరువనంతపురం, చేరాయి చూసిన తరువాత నాకు ఏర్పడిన అబిప్రాయం. 
ఉద్యోగరీత్యా పని పడి కోలి కోడ్ (కాలికట్) వెళ్ళవలసి వచ్చినది.
సాయంత్రం మూడు గంటల కల్లా పని పూర్తి అయ్యింది.
హోటల్ కి సుమారు రెండు కిలోమీటర్ల దూరంలో ఉన్న బీచ్ కి  ఆటోలో చేరుకొన్నాము. 
 నగరంలోనే ఉన్న సాగర తీరాన ఎన్నో హోటల్లు, కార్యాలయాలు, గృహాలు ఉన్నాయి.
 వాహనాల రాక పోకలతో ఎంతో రద్దీగా ఉన్నది ఇక్కడి రహదారి.
అయినా ఎక్కడా ఇతరులకు అసౌకర్యం కలగకుండా ప్రతి ఒక్కరూ పద్దతిగా ఉన్న తీరు మెచ్చుకోదగినది.
అన్నీ క్రమ పద్దతిలో సాగుతున్నాయి.
అల్లరి మూకలు, తాగుబోతులు లేకపోవడం మరో మంచి విషయం.
 విద్యాలయాలకు శెలవలు కావడంతో తీరం అంతా పిల్లలతో వచ్చిన పెద్దలతో, స్నేహితులతో కలిసి వచ్చిన యువతీ యువకులతో సందడి వాతావరణం నెలకొనివున్నది.
అలలతో ఆటలాడుకొంటున్న చిన్నలు ఒడ్డున కూర్చొని ప్రశాంత వాతావరణాన్ని చల్లగాలిని అనుభవిస్తూ పెద్దలు అంతా విశ్రాంతిగా ఎలాంటి హడావుడి లేకుండా కనపడుతున్నారు.



పిల్లలకు కావలసిన అనేక ఆట వస్తువులను అమ్మే వారు ఇసక లో తిరుగుతూ ఆకర్షించే ప్రయత్నాలు ముమ్మరంగా చేస్తున్నారు. 





















 సామాన్యులే కాదు రక్షక భటులు కూడా ఆహ్లాదకర వాతావరణంలో సేదతీరడానికి తరలివచ్చారు.












ఎత్తుగా పెరిగిన చెట్లు పరిసరాలకు కావాల్సిన అదనపు అందాన్ని అద్దుతున్నాయి. 
పరిసరాలు శుభ్రంగా ఉండటం మెచ్చుకోతగ్గ అంశం. 
మరో విశేషమేమిటంటే ఎక్కడ పడితే అక్కడ చెత్త వెయ్యడం గాని, సిగిరెట్లు కాలుస్తూ వాతావరణాన్ని కలుషితం చేసేవారు మచ్చుకైన కనపడక పోవడం. 
సిగిరెట్లు, గుట్కా పొట్లాలను దొంగచాటుగా అమ్మేవారు దాపులలో కనపడలేదు. 
సరదాగా రెండు చోట్ల సిగిరెట్ కావాలని అడిగితే "కాలిస్తే పోలీసులు స్టేషన్ కు తీసుకుపోతారు అమ్మము సార్ అన్నారు. 










ఆటల మధ్యలో సేదతీరడానికి అందుబాటులో ఉన్న తినుబండారాల బండ్ల వైపుకు చేరుకొంటున్నారు.





ఆల్చిప్పలతో చేసిన ఒక బజ్జీ లాంటి ఒక పదార్దం. మోజుగా తింటున్నారు. 
మరునాడు మార్కెట్లో బతికి ఉన్న ఆల్చిప్పలను అమ్మడం కనిపించినది. 
కోలి కోడ్ ప్రత్యేకం అనిపించినది. 


నన్ను బాగా ఆకట్టుకోన్నవి రకరకాల గాలిపటాలు. 









ప్రతి బీచ్ లో కనిపించే ఈ దృశ్యం ఇక్కడా తప్పలేదు. 
నగరం లోని మురుగు నీటిని సముద్రం లోనికి తరలించడం నన్ను ఎప్పుడూ కలవరపెట్టే విషయం.  





కోలి కోడ్ బీచ్ లో తెలియకుండానే ఒక అరుదైన అవకాశం నాకు లభించినది. 
దూరంగా మెట్ల మీద కూర్చున్న నా దృష్టిని ఆకర్షించాడో సాధారణం గా కనిపించే వ్యక్తి ఒకరు. ఎందుకో దగ్గరకి వెళ్లి ఏం చేస్తున్నాడో చూడలనిపించినది. 




చేతిలో ఉన్న పెన్సిల్ తో తెల్ల కాగితం మీద అతను సృష్టించిన అద్భుతం ఇదే. 



 ఎన్నో అడగాలని ఉన్నా మలయాళం తప్ప మరో భాష రాని ఆ కళాకారుని ఒక కరచాలనంతో "వెరీ గుడ్ !" ఆంగ్ల పదంతో అభినందించాను.
అదే కొంత సంతృప్తిని కలిగించినది.



 సముద్రం పక్కనే ఆసుపత్రి.
చేపల వేటలో జీవనం సాగించే వారి సంఖ్య అధికంగా ఉండే కేరళలో ఇది అభినందించదగిన విషయంగా చెప్పుకోవాలి.
 ఉదయ భానుడు తన రోజు వారీ కార్యక్రమం పూర్తి చేసుకొని పడమర గృహానికి చేరుకోడానికి సిద్దపడుతున్న దృశ్యాలను కెమెరాలో బంధించు కొని హోటల్ కు ఇరుగు ముఖం పట్టాము.
ఒక అందమైన సాయంత్రం గడప గలిగానన్న తృప్తి కలిగింది ఆటో ఎక్కుతుండగా !!!








































కామెంట్‌లు

కామెంట్‌ను పోస్ట్ చేయండి

ఈ బ్లాగ్ నుండి ప్రసిద్ధ పోస్ట్‌లు

Sri Omkara Siddeshwara Swamy Temple, Omkaram

-
చిత్రం
శ్రీ గంగా ఉమా సమేత శ్రీ ఓంకార సిద్దేశ్వర స్వామి దేవాలయము, ఓంకారం  ఓంకార స్వరూపుడైన కైలాసనాధుడు కొలువు తీరిన అనేకానేక క్షేత్రాలలో ఓంకారం ఒకటి.యుగాల నాటి పౌరాణిక విశేషాలు , శతాబ్దాల చరిత్రకు, తరతరాల భక్తుల విశ్వాసాలకు చిరునామా ఓంకారం. శ్రీ గంగా ఉమా సమేతముగా శ్రీ ఓంకార సిద్దేశ్వర స్వామి కొలువు తీరిన ఈ క్షేత్రం ఒక ప్రశాంత సుందర అరణ్య ప్రాంతం. ప్రశాంతతకు మారు పేరు. మైమరపించే ప్రకృతి సౌందర్యం ఓంకారం సొంతం.  స్వచ్చమైన గాలి, పచ్చని పరిసరాలు, మొక్కిన వారిని దరి చేర్చుకొనే పరమేశ్వరుని సన్నిధితో సందర్శకులను ఆధ్యాత్మిక ఆనందంలో ముంచివేస్తుంది ఓంకారం,  "ఆర్తులు అందరికి అన్నం" అన్న అవధూత శ్రీ కాశి నాయన మాటను నిజం చేస్తున్న ఆయన భక్త బృందం ఏర్పాటు చేసిన ఆశ్రమం మరియు అన్న వితరణ కేంద్రం , ఇలా ఎన్నో ప్రత్యేకతల సమాహారం ఓంకారం. పురాణ గాధ : క్షేత్రానికి సంబంధించిన పురాణ గాధ ద్వాదశ జ్యోతిర్లింగాల ఆవిర్భాలతో ముడిపడి ఉన్నది. అందరికీ  తెలిసినదే! సృష్టి ఆరంభంలో సృష్టికర్త బ్రహ్మ దేవుడు, స్థితకారుడు శ్రీ మన్నారాయణుడు నేను గొప్పంటే నేను గ...
మరింత చదవండి

Sri Kasinayana Temple, Jyothi, AP

-
చిత్రం
                              శ్రీ కాశీ నాయన ఆలయం, జ్యోతి   జ్యోతి, గిద్దలూరు కి సుమారు ౫౦ కిలోమీటర్ల దూరం  లో ఉన్నది. వయా ఓబులాపురం మీదగా బస్సులు గిద్దలూరు నుండి ఉన్నాయి. ఇక్కడే ఆలయాలలో  ఉచితన్నదాన కార్యక్రమ  ప్రారంభ స్ఫూర్తి  ప్రదాత అవధూత శ్రీ కాశి నాయన సమాధి చెందారు. కామధేను గోవు సమాధి, శివ, శ్రీ లక్ష్మి నరసింహ స్వామి ఇతర ఆలయాలు ఇక్కడ నిర్మించారు. ప్రస్తుతం కాశి నాయన సమాధి మీద ఎందరో అవధుతలు, మహా పురుషుల, యోగుల, మహారుషుల ,దేవతల శిల్పాల తో కూడిన ఒక మహా ఆలయాన్ని నిర్మిస్తున్నారు. చుట్టూ కొండలు, నల్లమల అడవులతో నిండిన చక్కని ప్రకృతి లో మసుకు ప్రశాంతి ని ప్రసాదించే పరిసరాల తో  ఆహ్లాదకరంగా ఉండే జ్యోతి లో ప్రతి నిత్యం అన్నదానం జరుగుతుంది. అన్ని జీవులకు అన్నదానం  కాశి నాయన సమాధి మందిరం  శ్రీ కాశి నాయన  శ్రీ కాశి నాయన పంచ లోహ మూర్తి  నాయన పాదుకలు  నిర్మాణం లో ఉన్న ఆలయం / శిల్పాలు  నవగ్రహ మండపం  ...
మరింత చదవండి

Sri Irukalala Parameswari Temple, Nellore

-
చిత్రం
    శ్రీ ఇరుకళల పరమేశ్వరి అమ్మవారి ఆలయం, నెల్లూరు  శతాబ్దాల ఘన చరిత్ర కలిగిన నగరం నెల్లూరు.  క్రీస్తు పూర్వం మూడో శతాబ్ద కాలానికే నెల్లూరు అప్పట్లో "విక్రమ సింహపురి" దక్షిణాది లోని ముఖ్య నగరాలకు కూడలిగా ప్రాధాన్యత కలిగిన ప్రాంతంగా ప్రసిద్ది చెందినట్లుగా లభించిన శిలా శాసనాలు తెలియచేస్తున్నాయి.  మౌర్య చక్రవర్తి అశోకుని నుండి పల్లవ, చోళ, కాకతీయ, శాతవాహన,పాండ్య, తెలుగు చోడ, విజయనగర ఇలా ఎన్నోరాజ వంశాలు ఈ పట్టణ సర్వతోముఖాభివృద్ది కి కృషిచేసినట్లుగా వివిధ చారిత్రిక పరిశోధనా గ్రందాల ఆధారంగా అవగతమవుతోంది.  ఇలా ఎందరో రాజుల పాలనలో ఉన్న ఈ ప్రాంతంలో పురాణ ప్రసిద్దిచెందిన పురాతన ఆలయాలకు కొదవ లేదు. నగరంలో, చుట్టుపక్కల ప్రాంతాలలో ఎన్నో విశేష ఆలయాలు నెలకొని ఉన్నాయి. వీటిల్లో చాలా మటుకు అరుదైనవి కూడా!  విక్రమ సింహపురి గ్రామ దేవత శ్రీ ఇరుకళల పరమేశ్వరి అమ్మవారి ఆలయం వాటిల్లో ఒకటి. స్థానికంగానే కాకుండా చుట్టుపక్కల జిల్లాల నుండి కూడా ప్రతినిత్యం ఎందరో భక్తులు దర్శించుకొనే ఈ అమ్మవారు సుమారు ఎనిమిదో శతాబ్దానికి పూర్వమే కొలువుతీరినట్లుగా క్షేత్ర గాధ తెలుపుత...
మరింత చదవండి