Tiruvannamalai a unique place

-

           అసాధారణ విశేషాల నిలయం  - తిరువణ్ణామలై 



తిరువణ్ణామలై లో అణువణువూ శివ స్వరూపమే!
కైలాసనాధుడే కొండ రూపంలో కొలువైన దివ్య క్షేత్రం కదా !
ఈ కారణం గానే మరే  పుణ్య క్షేత్రం లోనూ లేని కొన్ని ప్రత్యేకతలు ఇక్కడ నెలకొని ఉన్నాయి. 









ప్రధాన ఆలయంతో పాటు ఉపాలయాలు కూడా ఎంతో ప్రాముఖ్యం గల పౌరాణిక నేపధ్యం కలిగి ఉంటాయి. ఇక్కడ తప్ప మరెక్కడ పర్వతాన్ని పరమేశ్వరుని క్రింద పూజించరు. 


శ్రీ కుమార స్వామి ఉద్భవించిన స్థంభం 




శ్రీ సుబ్రహ్మణ్యేశ్వర స్వామి తన ప్రియ భక్తుడైన అరుణగిరినాథర్ గానానికి పరవశుడై ప్రత్యక్షమైన క్షేత్రం ఇదొక్కటే !
ప్రాంగణంలో మొదటగా వచ్చే మురుగన్ ఆలయం లోని స్థంభం నుండే స్వామి ఉద్భవించినట్లుగా చెబుతారు.







గిరివలయంలో దర్శించుకొని అష్ట దిక్పాల లింగాలు మరియు సూర్య చంద్ర ప్రతిష్ఠిత లింగాలు ఇక్కడే ఒక వరుసలో కనపడతాయి. చాలా చోట్ల దిక్పాలకులు , గ్రహాలూ ప్రతిష్టించి లింగాలు ఉన్నా ఇలా మాత్రం ఉండవు.
ముగ్గురు మహర్షుల ( దుర్వాస, గౌతమ మరియు అగస్త్య) ఆరాధనా స్ధలాలు ఒక్క తిరువణ్ణామలై లోనే ఉంటాయి.


స్వామి వారి శయన మందిరం 



సంవత్సరానికి నాలుగు బ్రహ్మోత్సవాలు జరిగే అరుదైన పుణ్య క్షేత్రాలలో అరుణాచలం ఒకటి.
ప్రాంగణంలో ఉన్న విమాన మరియు గోపురాలు ఒక్క ప్రదేశంలో నిలబడి చూడగలిగే అద్భుత నిర్మాణ చతురత కనపడుతుంది ఈ ఆలయంలో ! చక్కని  శిల్ప కళ విస్మయ పరుస్తుంది.







నిజ భక్తుని భక్తికి పరవశుడైన భక్తవత్సలుడు అతని పుత్రునిగా మారి సామాన్య మానవునిలా సంవత్సరానికి ఒకసారి ఆబ్దికం పెట్టడం అరుణాచలేశ్వరం లోనే !
విడివిడిగా కొలువుతీరిన ఆదిదంపతులు ఉమ్మడిగా శయన మందిరం ఉన్న క్షేత్రం ఇదే !
ప్రతి రాత్రీ తొమ్మిదిన్నరకి జరిగే పవళింపు సేవ చూడ చక్కని సేవ !






ఉత్తర ద్వారం 



వైకుంఠ ఏకాదశి నాడు శ్రీ రుక్మిణీ సత్య భామా సమేత శ్రీ వేణుగోపాల స్వామి వారి ఉత్తర ద్వార దర్శనం లభించే శైవ క్షేత్రం తిరువణ్ణామలై ! అదీ ప్రధాన ఆలయం లోనే!
అనేక మంది ఆధ్యాత్మిక మార్గదర్శకుల పుట్టినిల్లు తిరువణ్ణామలై !







శ్రీ వైష్ణవులకు ఎంతో పవిత్రమైన "తిరుప్పావై" లాగా శైవులకు పరమ పవిత్రమైన "తిరు వెంబావై"ని మాణిక్యవాసగర్ రచించినది తిరువణ్ణామలై లోనే! ఈ కీర్తనలను మార్గశిర మాసంలో తమిళనాడులోని అన్ని శివాలయాలలో నియమంగా గానం చేస్తారు.
తమిళ భాషలో విలువైనవిగా భావించే ఎన్నో అద్భుత రచనలు ఉద్భవించిన సరస్వతీ క్షేత్రం తిరువణ్ణామలై!




దర్శిస్తేనో, పూజిస్తేనో, ఆరాధిస్తేనో మనోభీష్టాలు నెరవేర్చే క్షేత్రాలు అనేకం ఉన్నాయి. కానీ స్మరణ మాత్రమే సకల పాపాలను హరించి ఇహ పర సుఖాలను అనుగ్రహించే ఒకే ఒక్క నామం "అరుణాచలం"
అందుకే అరుణాచలేశ్వరునికి ఆరోం హర !!!! 

కామెంట్‌లు

కామెంట్‌ను పోస్ట్ చేయండి

ఈ బ్లాగ్ నుండి ప్రసిద్ధ పోస్ట్‌లు

Sri Kasinayana Temple, Jyothi, AP

-
చిత్రం
                              శ్రీ కాశీ నాయన ఆలయం, జ్యోతి   జ్యోతి, గిద్దలూరు కి సుమారు ౫౦ కిలోమీటర్ల దూరం  లో ఉన్నది. వయా ఓబులాపురం మీదగా బస్సులు గిద్దలూరు నుండి ఉన్నాయి. ఇక్కడే ఆలయాలలో  ఉచితన్నదాన కార్యక్రమ  ప్రారంభ స్ఫూర్తి  ప్రదాత అవధూత శ్రీ కాశి నాయన సమాధి చెందారు. కామధేను గోవు సమాధి, శివ, శ్రీ లక్ష్మి నరసింహ స్వామి ఇతర ఆలయాలు ఇక్కడ నిర్మించారు. ప్రస్తుతం కాశి నాయన సమాధి మీద ఎందరో అవధుతలు, మహా పురుషుల, యోగుల, మహారుషుల ,దేవతల శిల్పాల తో కూడిన ఒక మహా ఆలయాన్ని నిర్మిస్తున్నారు. చుట్టూ కొండలు, నల్లమల అడవులతో నిండిన చక్కని ప్రకృతి లో మసుకు ప్రశాంతి ని ప్రసాదించే పరిసరాల తో  ఆహ్లాదకరంగా ఉండే జ్యోతి లో ప్రతి నిత్యం అన్నదానం జరుగుతుంది. అన్ని జీవులకు అన్నదానం  కాశి నాయన సమాధి మందిరం  శ్రీ కాశి నాయన  శ్రీ కాశి నాయన పంచ లోహ మూర్తి  నాయన పాదుకలు  నిర్మాణం లో ఉన్న ఆలయం / శిల్పాలు  నవగ్రహ మండపం  ...
మరింత చదవండి

Sri Omkara Siddeshwara Swamy Temple, Omkaram

-
చిత్రం
శ్రీ గంగా ఉమా సమేత శ్రీ ఓంకార సిద్దేశ్వర స్వామి దేవాలయము, ఓంకారం  ఓంకార స్వరూపుడైన కైలాసనాధుడు కొలువు తీరిన అనేకానేక క్షేత్రాలలో ఓంకారం ఒకటి.యుగాల నాటి పౌరాణిక విశేషాలు , శతాబ్దాల చరిత్రకు, తరతరాల భక్తుల విశ్వాసాలకు చిరునామా ఓంకారం. శ్రీ గంగా ఉమా సమేతముగా శ్రీ ఓంకార సిద్దేశ్వర స్వామి కొలువు తీరిన ఈ క్షేత్రం ఒక ప్రశాంత సుందర అరణ్య ప్రాంతం. ప్రశాంతతకు మారు పేరు. మైమరపించే ప్రకృతి సౌందర్యం ఓంకారం సొంతం.  స్వచ్చమైన గాలి, పచ్చని పరిసరాలు, మొక్కిన వారిని దరి చేర్చుకొనే పరమేశ్వరుని సన్నిధితో సందర్శకులను ఆధ్యాత్మిక ఆనందంలో ముంచివేస్తుంది ఓంకారం,  "ఆర్తులు అందరికి అన్నం" అన్న అవధూత శ్రీ కాశి నాయన మాటను నిజం చేస్తున్న ఆయన భక్త బృందం ఏర్పాటు చేసిన ఆశ్రమం మరియు అన్న వితరణ కేంద్రం , ఇలా ఎన్నో ప్రత్యేకతల సమాహారం ఓంకారం. పురాణ గాధ : క్షేత్రానికి సంబంధించిన పురాణ గాధ ద్వాదశ జ్యోతిర్లింగాల ఆవిర్భాలతో ముడిపడి ఉన్నది. అందరికీ  తెలిసినదే! సృష్టి ఆరంభంలో సృష్టికర్త బ్రహ్మ దేవుడు, స్థితకారుడు శ్రీ మన్నారాయణుడు నేను గొప్పంటే నేను గ...
మరింత చదవండి

Sri Irukalala Parameswari Temple, Nellore

-
చిత్రం
    శ్రీ ఇరుకళల పరమేశ్వరి అమ్మవారి ఆలయం, నెల్లూరు  శతాబ్దాల ఘన చరిత్ర కలిగిన నగరం నెల్లూరు.  క్రీస్తు పూర్వం మూడో శతాబ్ద కాలానికే నెల్లూరు అప్పట్లో "విక్రమ సింహపురి" దక్షిణాది లోని ముఖ్య నగరాలకు కూడలిగా ప్రాధాన్యత కలిగిన ప్రాంతంగా ప్రసిద్ది చెందినట్లుగా లభించిన శిలా శాసనాలు తెలియచేస్తున్నాయి.  మౌర్య చక్రవర్తి అశోకుని నుండి పల్లవ, చోళ, కాకతీయ, శాతవాహన,పాండ్య, తెలుగు చోడ, విజయనగర ఇలా ఎన్నోరాజ వంశాలు ఈ పట్టణ సర్వతోముఖాభివృద్ది కి కృషిచేసినట్లుగా వివిధ చారిత్రిక పరిశోధనా గ్రందాల ఆధారంగా అవగతమవుతోంది.  ఇలా ఎందరో రాజుల పాలనలో ఉన్న ఈ ప్రాంతంలో పురాణ ప్రసిద్దిచెందిన పురాతన ఆలయాలకు కొదవ లేదు. నగరంలో, చుట్టుపక్కల ప్రాంతాలలో ఎన్నో విశేష ఆలయాలు నెలకొని ఉన్నాయి. వీటిల్లో చాలా మటుకు అరుదైనవి కూడా!  విక్రమ సింహపురి గ్రామ దేవత శ్రీ ఇరుకళల పరమేశ్వరి అమ్మవారి ఆలయం వాటిల్లో ఒకటి. స్థానికంగానే కాకుండా చుట్టుపక్కల జిల్లాల నుండి కూడా ప్రతినిత్యం ఎందరో భక్తులు దర్శించుకొనే ఈ అమ్మవారు సుమారు ఎనిమిదో శతాబ్దానికి పూర్వమే కొలువుతీరినట్లుగా క్షేత్ర గాధ తెలుపుత...
మరింత చదవండి