Aalaya Darshanam

    నిరాకారుని మరో నివాసం  లోకేశ్వరునికి భూలోకంలో ఎన్ని ఆలయాలు ఉన్నాయో లెక్క తెలియదు. ప్రముఖ క్షేత్రాలలో, మారుమూల పల్లెలలో, త్రవ్వకాలలో ఇలా ఎక్కడో అక్కడ ఒక లింగం కనపడుతూనే ఉంటుంది.  అలా ఒక మారుమూల పల్లెలో ఎప్పుడో కొన్ని శతాబ్దాల క్రిందట నిర్మించిన ఆలయంలో నిరాకారుడు లింగాకారంలో దర్శనమివ్వడం మనందరి అదృష్టం గా భావించాలి.  ఈ ఆలయం వెనుక దాగి ఉన్న గాధల గురించి ఏమాత్రం తెలియడం లేదు. ఎవరు నిర్మించారు అన్నదానికి కూడా తగిన ఆధారాలు లేవు.  కానీ నిర్మాణ శైలి ప్రకారం అంతరాలయం చాళుక్యుల కాలంలో నిర్మించినట్లుగా అర్ధం అవుతుంది ముఖ మండపం, ఆలయ ప్రవేశ ద్వారం, పక్కన శ్రీ వెంకటేశ్వర స్వామి ఆలయం, రెండింటి మధ్య మరో మండపం విజయనగర రాజుల కాలంలో నిర్మించినట్లుగా తెలుస్తుంది.  చక్కని శిల్పాలను మండప స్థంభాలపైన చెక్కారు.  మండపం లోని స్తంభాల మధ్య ఎలాంటి సున్నము, అతుకు పెట్టకుండా రాళ్లను ఒకదాని మీద మరొకటి సమానంగా పేర్చిన తీరు ఆశ్చర్యం కలిగిస్తుంది. సుమారు ఆరు వందల సంవత్సరాల తరువాత కూడా నేటికీ అవి స్థిరంగా ఉండటం నాటి శిల్పుల నైపుణ్యానికి నిదర్శనంగా చెప్పుకోవాలి.  ఆలయం వెలుపల ...

                              ఏక దంతుని ఏకాదశ మూర్తులు  పురాణ కాలం నుండి తమిళనాడులోని పాలరు నదీ తీరంలో ఉన్న వెల్లూరు ప్రసిద్ధ పర్యాటక మరియు వ్యాపార కేంద్రం.  భారతదేశంలోని ప్రతి గ్రామంలోనూ ఏదోఒక దేవీ దేవతల ఆలయాలు కనిపిస్తాయి. ఇవి కాస్త ఎక్కువ తమిళనాడులో !  ప్రపంచ ప్రఖ్యాత ఆలయాలను నిర్మించిన చోళ, పాండ్య, పల్లవ, హొయసల, విజయనగర పాలకులు ఏలిన ఈ ప్రాంతంలో అనేక ఆలయాలు కనపడటం సామాన్య విషయం. గమనించవలసిన అంశం ఏమిటంటే వీటిలో కొన్ని విశేషభక్తాదరణ పొందినవి కావడం !  నగరంలో శ్రీ జల కంఠేశ్వర స్వామి ఆలయం (కోటలో) ఎంతో చరిత్ర కలిగినది. కైలాసనాధుని ఆలయాలు మేల్పడి, తిరువళ్ళం, విరించిపురం, ముల్లిపట్టు, సిఱుకరంబూరు మరియు సంపత్ మహర్షులు ప్రతిష్టించిన లింగాలు కలిగిన సదారణ్య క్షేత్రాలు ఏడు. ఇవి బాగా ప్రచారంలో ఉన్నవి. ఇంకా ఎన్నో ఉన్నాయి. అలాంటి ఆలయాలను వెదుకుతూ మొన్న 30.07.2023 న వెల్లూరులో కొలువైన శివ పరివార ఆలయాలను సందర్శించుకునే భాగ్యం దక్కింది.  మూడు ఆలయాలలో మొదట సందర్శించినది  నగర శివార్లలో శెంబాక్కం అనే ప...